લચ્છા પરોઠા

લચ્છા પરોઠા

તૈયારીનો સમયઃ ૨૦ મિનિટ
બનાવવાનો સમયઃ ૨૦ મિનિટ
માત્રાઃ ૪ રોટી બનશે

સામગ્રીઃ

-૨ કપ ઘઉંનો લોટ
-૧ ચમચી મીઠું
-૧ ચમચો તેલ

અન્ય સામગ્રી
-થોડું ઘી

રીતઃ-

- એક વાસણમાં તેલ,લોટ અને મીઠું નાખી ધીમે ધીમે ગરમ પાણી ઉમેરી લોટ બાંધો. લોટને ૨૦ મિનિટ એક બાજુ મૂકી રાખો.
- લોટને કુણવીને ૮ લુઆ કરો.
- લુઆમાંથી પરોઠું વણો અને પછી તેની લાંબી પટ્ટીઓ કાપો. બધી જ પટ્ટીને વચ્ચેની એક પટ્ટી ઉપર મૂકો.
- ઉપરાઉપરી મૂકેલી પટ્ટીનો રોલ વાળો અને વચ્ચે આંગળીથી દબાવો. આ રોલ ઉપર તેલ લગાડો.
- આ રોલને લઈને જાડા પરોઠાની જેમ વણો.
- તવાને ગરમ કરો અને પરોઠાને બંને બાજુ બ્રાઉન રંગના શેકો. ઉપરથી ઘી લગાડી ગરમગરમ પીરસો.

મકાઈ કુંભ જાલફ્રેઝી

મકાઈ કુંભ જાલફ્રેઝી

તૈયારીનો સમયઃ ૧૫ મિનિટ
બનાવવાનો સમયઃ ૨૦ મિનિટ
માત્રાઃ ૪ રોટી બનશે

સામગ્રીઃ

-૧૧/૨ કપ મશરૂમ (દરેકના ચાર ભાગ કરેલા)
-૩/૪ કપ મકાઈના દાણા બાફેલા
-૧/૨ કપ કેપ્સીકમ બારીક સમારેલું
-૧ ચમચી જીરું
-૧ કપ કાંદા બારીક સમારેલા
-૧ ચમચી લીલા મરચાંની પેસ્ટ
-૨ ચમચી આદુંની પેસ્ટ
-૧ ચમચી ધાણા-જીરું
-૧ કપ ટામેટા બારીક સમારેલા
-૨ ચમચા ટોમેટો કેચઅપ
-૧ ચપટી સાકર (ઈચ્છાનુસાર)
-૩ ચમચા તેલ
-મીઠું સ્વાદાનુસાર

ઉપરથી સજાવવા માટે

-૧ ચમચો કોથમીર બારીક સમારેલી

રીતઃ-

- એક વાસણમાં તેલને ગરમ કરો અને જીરું ઉમેરો. જીરું તતડી જાય એટલે કાંદા ઉમેરો અને સાંતળો.
- તેમાં લીલા મરચાં, આદું, ધાણા-જીરું અને લાલ મરચું ઉમેરો અને થોડી સેકંડ સાંતળોે.
- તેમાં ટામેટા અને ટોમેટો કેચઅપ ઉમેરો અને ૨ થી ૩ મિનિટ હલાવો.
- તેમાં મશરૂમ, મકાઈના દાણા, કેપ્સીકમ, ૩/૪ કપ પાણી, સાકર અને મીઠું ઉમેરો અને મશરૂમ બફાઈ જાય અને ગ્રેવી ઘટ્ટ બને ત્યાં સુધી ઉકાળો.પછી ગેસ પરથી ઉતારો.

કોથમીર ભભરાવી ગરમ ગરમ પીરસો.

આલુ મટર

આલુ મટર

તૈયારીનો સમયઃ ૧૦ મિનિટ
બનાવવાનો સમયઃ ૨૦ મિનિટ
માત્રાઃ ૪ વ્યક્તિ માટે

સામગ્રીઃ

-૧૧/૨ કપ બાફેલા બટેટાના ચોરસ ટુકડા
-૧ કપ લીલા વટાણા બાફેલા
-૧/૨ કપ જીરું
-૩/૪ કપ કાંદા બારીક સમારેલા
-૧ ચમચી આદુની પેસ્ટ
-૧ ચમચી લીલા મરચાંની પેસ્ટ
-૧ કપ ટામેટાં બારીક સમારેલા
-૧ ચપટી હળદર
-૧/૨ ચમચી લાલ મરચાંની ભૂકી
-૧/૨ ચમચી ગરમ મસાલો
-૨ ચમચા તેલ
-મીઠું સ્વાદાનુસાર

ઉપરથી સજાવવા માટે

- એક વાસણમાં તેલને ગરમ કરો અને જીરું ઉમેરો. જીરું તતડી જાય એટલે કાંદા ઉમેરી સાંતળો.
- તેમાં આદુની પેસ્ટ, લીલા મરચાંની પેસ્ટ, લસણની પેસ્ટ અને ટામેટા ઉમેરી સાંતળો.
- પછી તેમાં હળદર, લાલ મરચું, ગરમ મસાલો, લીલા વટાણા અને બટેટાને ઉમેરી બઘું જ સરખી રીતે મિક્સ કરો.
- પછી તેમાં ૧ ૧/૨ કપ પાણી અને મીઠું ઉમેરી ઉકાળો.
- ગ્રેવીને ઘટ્ટ કરવા બેથી ત્રણ બટેટાના ટુકડાને છુંદીને નાંખો. પછી ગેસ પરથી ઉતારો.

ઉપરથી કોથમીર ભભરાવી રોટી કે પરોઠાની સાથે ગરમગરમ પીરસો.

મટર પનીર બટર મસાલા

મટર પનીર બટર મસાલા

તૈયારીનો સમયઃ ૧૫ મિનિટ
બનાવવાનો સમયઃ ૨૦ મિનિટ
માત્રાઃ ૪ વ્યક્તિ માટે

સામગ્રીઃ

-૨૧/૨ કપ પનીરના ચોરસ ટુકડા
-૧ ચમચી મેથીના દાણા
-૧/૪ કપ લીલા વટાણા બાફેલા
-૧/૪ કપ કાંદા બારીક સમારેલા
-૨ ચમચા માખણ

પેસ્ટ માટે

-૧ કપ કાંદા સમારેલા
-૧ ટુકડો આદુ
-૬ થી ૭ કળી લસણ
-૨ ચમચા કાજુના ટુકડા

અન્ય સામગ્રી

-૧ ચમચી લાલ મરચાંની ભૂકી
-૨ કપ ટામેટાની પ્યુરે
-૧ ચમચી જીરું
-૧/૨ ચમચી ગરમ મસાલો
-૧ ચમચો મધ
-૧/૪ કપ દૂધ
-૧/૪ કપ ક્રીમ (મલાઈ)
-૧ ચમચો તેલ
-મીઠું સ્વાદાનુસાર

રીતઃ-

- એક વાસણમાં તેલને ગરમ કરો. પેસ્ટને ઉમેરી બ્રાઉન રંગની થાય ત્યાં સુધી સાંતળો.
- તેમાં મરચું અને ટામેટાનો પ્યુરે ઉમેરી થોડી મિનિટ હલાવતાં રહો.
- પછી તેમાં જીરું, ગરમ મસાલો અને ૧/૨ કપ પાણી ઉમેરો અને તેલ મસાલાથી છૂટું પડે ત્યાં સુધી હલાવો પછી ગેસ પરથી નીચે ઉતારી લેવું.
- બીજા એક વાસણમાં માખણને ગરમ કરો. મેથી અને કાંદા ઉમેરી સાંતળો.
- તેમાં ટામેટાની ગ્રેવી, વટાણા, દૂધ, મધ, ક્રીમ, પનીર અને મીઠું ઉમેરી ઉકાળો. ગેસ પરથી નીચે ઉતારો.

રોટી કે પરોઠા સાથે ગરમગરમ પીરસો.

તંદુરી ગોબી

તંદુરી ગોબી

તૈયારીનો સમયઃ ૨૦ મિનિટ
બનાવવાનો સમયઃ ૨૦ મિનિટ
માત્રાઃ ૪ વ્યક્તિ માટે

સામગ્રીઃ

-૨ કપ ફ્‌લાવરના ફૂલ અધકચરા બાફેલા
-૧/૨ ચમચી જીરું
-૧ કપ કાંદાની સ્લાઈસ
-૧ કપ કેપ્સીકમની સ્લાઈસ
-૧ ચમચી તેલ
-મીઠું સ્વાદાનુસાર

મિશ્રણ માટે

-૧/૨ કપ દહીં વલોવેલું
-૧ ચમચી ચણાનો લોટ
-૧ ચમચી આદુની પેસ્ટ
-૧ ચમચી લસણની પેસ્ટ
-૧ ચમચી મરચાંની ભૂકી
-૧/૨ ચમચી કસૂરી મેથી (મેથીના સુકવેલા પાન)
-મીઠું સ્વાદાનુસાર

ઉપરથી સજાવવા માટે

-૧ ચમચો કોથમીર બારીક સમારેલી

રીતઃ

- ફ્‌લાવરના ફૂલને દહીંના તૈયાર કરેલા મિશ્રણમાં ૧૫ મિનિટ સુધી રાખી મૂકો.
- એક વાસણમાં તેલને ગરમ કરો અને જીરું ઉમેરો. જીરું તતડી જાય એટલે કાંદા અને કેપ્સીકમ નાંખી સાંતળો.
- દહીંના મિશ્રણ સાથે ફ્‌લાવર એન મીઠું ઉમેરી ૧૦ થી ૧૨ મિનિટ હલાવતાં રહો. પછી ગેસ પરથી નીચે ઉતારો.
- કોથમીર ભભરાવી ગરમ ગરમ પીરસો.

પનીર મખમલી

પનીર મખમલી

તૈયારીનો સમયઃ ૨૦ મિનિટ
બનાવવાનો સમયઃ ૧૦ મિનિટ
માત્રાઃ ૪ વ્યક્તિ માટે

સામગ્રીઃ

-૩ કપ પનીરના ચોરસ ટુકડા
-૧ કપ કાંદાની સ્લાઈસ
-૧/૪ કપ દૂધ
-૧ ૧/૨ ચમચી ગરમ મસાલો
-૧ ચમચો માખણ
-૧ ચમચી તેલ
-પેસ્ટ બનાવવા માટે મિક્સરમાં વાટો
-૨ કપ કોથમીર સમારેલી
-૧/૨ કપ ફૂદીનો સમારેલો
-૨ થી ૩ લીલા મરચાં
-૧ નાનો ટુકડો આદુ
-૧/૪ કપ કાજુના ટુકડા
-૧/૪ કપ તાજું દહીં
-૧ લીંબુનો રસ
-મીઠું સ્વાદાનુસાર

રીતઃ-

- પનીરના ટુકડામાં ફોકથી કાણા પાડો અને પેસ્ટમાં ૧૫ મિનિટ સુધી રાખી મૂકો.
- એક વાસણમાં માખણ અને તેલને ગરમ કરો અને કાંદાને સાંતળો.
- તેમાં પનીર ઉમેરો અને ૫ થી ૭ મિનિટ સાંતળો.
- દૂધ ઉમેરો અને તેનું બાષ્પીભવન થાય ત્યાં સુધી હલાવતાં રહો.
- ગરમ મસાલો નાંખી ગેસ પરથી નીચે ઉતારો.

ગરમગરમ પીરસો.