લેમન ફિએસ્ટા

લેમન ફિએસ્ટા

તૈયારીનો સમયઃ ૧૦ મિનિટ
બનાવવાનો સમયઃ ૫ મિનિટ
માત્રાઃ ૪ ગ્લાસ બનશે

સામગ્રીઃ

-૨ કપ વેનિલા આઇસ્ક્રીમ નરમ કરેલો
-૧ કપ વ્હીપ્ડ ક્રીમ
-થોડાં ટીપાં લેમન એસેન્સ
-૧/૪ કપ લીંબુની છાલ

લેમન સૉસ માટે

-૧/૪ કપ સાકર
-૨ ચમચી કોર્નફ્‌લોર
-૧ ૧/૨ ચમચો લીંબુનો રસ
-૧ ચમચી લીંબુની છાલ, ખમણેલી
-થોડાં ટીપાં લેમન એસેન્સ
-એક ટીપું ખાવાનો પીળો રંગ
-૧ ચમચી માખણ

સજાવવા માટે

-૪ ફુદીનાની નાની ડાળખીઓ

રીતઃ

- આઇસક્રીમ, વ્હીપ્ડ ક્રીમ, લેમન એસેન્સ અને લીંબુની છાલને ખૂબ હળવેથી મિક્સ કરવા.
- સ્ટાર નોઝલ ફીટ કરેલી એક પાઇપીંગ બૅગમાં ભરવું અને ફ્રીઝમાં મૂકી દેવી.

લેમન સૉસ માટે

- સાકરને ૧/૨ કપ પાણીમાં મિક્સ કરવી અને સાકર ઓગળે ત્યાં સુધી ગરમ કરવું.
- કોર્નફ્‌લોરને ૨ ચમચા પાણીમાં ઓગાળવો અને પછી સાકરની ચાસણીમાં નાંખવો.
- એક સરખું હલાવતાં હલાવતાં ગરમ કરવું. થોડીવારમાં મિશ્રણ ઘાટું થઇને આવરણ બની શકે તેવું બની જશે.
- માખણ નાંખવું અને બરાબર મિક્સ કરવું.
- ઠંડુ થવા દેવું. અને પછી લીંબુનો રસ, લીંબુની છાલ, લેમન એસેન્સ અને ખાવાનો પીળો રંગ નાંખવો, બરાબર મિક્સ કરવું.

આગળની રીત

- લાંબા ગ્લાસમાં ૨ ચમચા લેમન સૉસ નાંખવો અને આઇસ્ક્રીમનું મિશ્રણ તેમાં પાઇપ કરવું.
- આ પ્રમાણે બીજા ૩ ગ્લાસ વઘુ બનાવવા. ફુદીનાની નાની ડાળખીઓથી સજાવી ખૂબ ઠંડુ પીરસવું.

ટ્રોપિકલ એમબ્રોસિઆ

ટ્રોપિકલ એમબ્રોસિઆ

તૈયારીનો સમયઃ ૯ મિનિટ
માત્રાઃ ૨ ગ્લાસ બનશે

સામગ્રીઃ

-૧ કપ મિક્સ, ફ્રૂટ, બારીક કાપેલું (સ્ટ્રોબેરી, પાઇનેપલ, પીચ, પેર)
-૧/૨ કપ લટકાવેલું ક્રીમ
-૧ ચમચો દળેલી સાકર
-થોડા ટીપાં વેનીલા એસેન્સ

બીજી સામગ્રી

-૨ ચમચા સૂકા કોપરાનું ખમણ
-૨ ચમચા સાકર

રીતઃ

- સૂકા કોપરાના ખમણને અને સાકરને એક પૅનમાં ભેગા કરી ધીમા તાપે શેકવા જ્યાં સુધી કોપરાનો રંગ બ્રાઉન થઇ જાય. એક તરફ મૂકી દેવું.
- લટકાવેલું દહીં, ક્રીમ , સાકર અને વેનીલા એસેન્સને ભેગા કરવા અને સારી રીતે ઝેરવું, ફ્રીઝમાં રાખી મૂકવું.
- એક લાંબા ગ્લાસમાં ફ્રૂટની અડધી માત્રા ગોઠવવી.
- ઉપર દહીં અને ક્રીમનું મિશ્રણ ભરવું.
- આના ઉપર સૂકા કોપરાનું મિશ્રણ ભભરાવવું અને ખૂબ ઠંડું કરવું.
- આ જ પ્રમાણે બીજો ગ્લાસ બનાવવો.

ખૂબ ઠંડું પીરસવું.

ટીપ્સઃ લગભગ ૧ કપ તાજા દહીંને જ્યારે ૨૦ મિનિટ સુધી મલમલના કપડામાં લટકાવી દેવાય છે ત્યારે ૧/૨ કપ લટકાવેલું દહીં મળે છે.

મોકા કપ

મોકા કપ

તૈયારીનો સમયઃ ૧૦ મિનિટ
બનાવવાનો સમયઃ ૫ મિનિટ
માત્રાઃ ૪ વ્યક્તિ માટે

સામગ્રીઃ

-૬ થી ૮ ચૉકલેટ બિસ્કિટ ભૂકો ભરેલા

ચૉકલેટ મૂસ માટે

-૧ કપ ઘેરા રંગની ચૉકલેટ બારીક કાપેલી
-૧ ચમચો દૂધ
-૧ કપ તાજું ક્રીમ

કૉફી ક્રીમ માટે

-૨ કપ તાજું ક્રીમ
-૧/૪ કપ દળેલી સાકર
-૧/૨ ચમચી વેનીલા એસેન્સ
-૧ ચમચો ઇન્સ્ટંટ કોફી પાવડર
-૨ ચમચો બારીક કાપેલી ઘેરા રંગની ચૉકલેટ

સજાવવા માટે

-૧ ચમચો બારીક કાપેલી ચૉકલેટ

રીતઃ

ચૉકલેટ મૂસ માટે

- એક વાસણમાં ચૉકલેટને દૂધ સાથે મિક્સ કરવી અને પછી ધીમા તાપે પિગાળવી જ્યાં સુધી સુંવાળો સૉસ થઇ જાય. થોડું ઠંડુ થવા દેવું.
- ક્રીમને ખૂબ નરમ થાય ત્યાં સુધી ફીણવું અને પછી હલકે હાથે ઠંડા થયેલા ચૉકલેટના મિશ્રણમાં મિક્સ કરવું. એક તરફ મૂકી દેવું.

કૉફી ક્રીમ માટે

- એક બાઉલમાં ક્રીમ, સાકર અને વેનિલા એસેન્સને મિક્સ કરવા અને બરાબર ફીણવું જ્યાં સુધી ખૂબ નરમ થઇ જાય.
- ૧ ચમચો નવશેકા પાણીમાં કૉફીને ઓગાળવી અને તેને પછી વ્હીપ્ડ ક્રીમમાં નાંખવી.
- ચૉકલેટ નાંખવી અને ધીરેથી મિક્સ કરવું. એક તરફ મૂકી દેવું.

આગળની રીત

- ૪ લાંબા ગ્લાસમાં કૉફીના ભૂકાને ભભરાવવો.
- દરેક ગ્લાસમાં લગભગ ૨ થી ૩ ચમચા કૉફી ક્રીમ નાંખવી.
- દરેક ગ્લાસમાં થોડું ચૉકલેટ મૂસ નાંખવું અને પછી દરેક ગ્લાસમાં બાકી વધેલી કૉફી ક્રીમ નાંખવી.
- થોડી બારીક કાપેલી ચૉકલેટથી સજાવવો અને સેટ થાય ત્યાં સુધી ફ્રીજમાં રાખવો.

ખૂબ ઠંડો પીરસવો.

ચૉકલેટ બનાના મૂસ

ચૉકલેટ બનાના મૂસ

તૈયારીનો સમયઃ ૫ મિનિટ
બનાવવાનો સમયઃ ૫ મિનિટ
માત્રાઃ ૨ ગ્લાસ બનશે

સામગ્રીઃ

-૧/૨ કપ (૭૫ ગ્રામ) ઘેરા રંગની ચૉકલેટ, બારીક કાપેલી
-૧/૨ કપ (૧૦૦ ગ્રામ) ક્રીમ
-૧/૪ ચમચી વેનીલા એસેન્સ
-૧/૨ કપ છૂંદેલા કેળાં (લગભગ ૧ ૧/૨ કેળાં)

રીતઃ

- ચૉકલેટને એક પૅનમાં મૂકવી. ૧ ચમચો ક્રીમ નાંખવું અને ધીમા તાપે પિગળાવવી જ્યાં સુધી સુંવાળા સૉસ જેવું બને.
- એક બીજા બાઉલમાં ક્રીમ અને વેનીલા એસેન્સને ખૂબ નરમ થાય ત્યાં સુધી ઝેરવાં. એક તરફ મૂકી દેવું.
- છૂંદેલા કેળા પર પિગાળેલી ચૉકલેટ રેડવી અને અને ઠંડું થાય ત્યાં સુધી સારી રીતે મિક્સ કરવું.
- હલકે હાથે વ્હીપ્ડ ક્રીમ મિક્સ કરી ૨ જુદા જુદા ગ્લાસોમાં ભરવું અને સેટ થાય ત્યાં સુધી ફ્રીઝમાં રાખવું.
- ક્રીમને ગોળાકારમાં નાંખી ખમણેલી ચૉકલેટ સાથે સજાવવું.

વ્હાઇટ ચૉકલેટ એન્ડ કોકોનટ ક્રન્ચ

વ્હાઇટ ચૉકલેટ એન્ડ કોકોનટ ક્રન્ચ

તૈયારીનો સમયઃ ૮ મિનિટ
બનાવવાનો સમયઃ ૮ મિનિટ
માત્રાઃ ૨ વ્યક્તિ માટે

સામગ્રીઃ

-૧ કપ કોકોનટ કુકીઝ (તોડેલી)
-૫ સ્ટ્રોબેરી (સ્લાઇસોમાં કાપેલી)
-૧૦ દ્રાક્ષ (અડધા ટુકડામાં કાપેલી)

સફેદ ચૉકલેટના ટ્રફલ માટે

-૧/૨ કપ (૭૫ ગ્રામ) સફેદ ચૉકલેટ, બારીક કાપેલી
-૧/૨ કપ તાજું ક્રીમ

સજાવવા માટે

-૨ સ્ટ્રોબેરીના અડધા ટુકડા
-વ્હીપ્ડ ક્રીમ (રેસિપી ગયા વખતે આપેલી હતી)

રીતઃ

- એક પેનમાં ૧/૪ કપ ક્રીમને ગરમ કરવું અને સફેદ ચૉકલેટના ટુકડા તેમાં નાંખવા.
- સુંવાળો સૉસ બને ત્યાં સુધી પકાવવું. ઠંડુ કરી એક તરફ મૂકી રાખવું.

આગળની રીતઃ

- ૧/૪ કપ ક્રીમને ફીણવું અને બાજુમાં મુકી રાખવું.
- વ્હીપ્ડક્રીમ અને સફેદ ચૉકલેટ ટ્રફલને હાથે મિક્સ કરવા અને એક પાઇપંિગ બૅગ કે જેમાં સ્ટાર નૉઝલ લગાડેલું હોય તેમાં ભરવું. બાજુમાં મૂકી રાખવી.
- એક ઊંચા ગ્લાસના તળિયે, સ્ટ્રોબેરીની સ્લાઇસની અડધી માત્રા ગોઠવવી અને તેના ઉપર સફેદ ચૉકલેટની ટ્રફલનો પાતળો થર પાઇપ કરવો.
- તોડેલી કોકોનેટ કુકીઝના ટુકડાની અડધી માત્રા ગોઠવવી અને તેના ઉપર સફેદ ચૉકલેટ ટ્રફલનો બીજો પાતળો થર પાઇપ કરવો.
- દ્રાક્ષની અડધી માત્રા ગોઠવવી અને ગ્લાસની સૌથી ઉપર સફેદ ચૉકલેટ ટ્રફલ ભરી દેવી.
- આ પ્રમાણે બીજો એક વઘુ ગ્લાસ બનાવવો.
- ક્રીમના ગોળાકાર અને સ્ટ્રોબેરીના અડધા ટુકડાથી સજાવવું.

ખૂબ ઠંડા પીરસવા.