ફુદીનાના પરોઠા

ફુદીનાના પરોઠા

સામગ્રીઃ

-૨ કપ ઘઉંનો લોટ
-૧ કપ ફુદીનાના પાન
-૩ ચમચા માખણ
-૨ ચમચી ચાટ મસાલો
-મીઠું સ્વાદાનુસાર
-તેલ જરૂર પ્રમાણે

રીતઃ

- ફુદીનાના પાનને ધોઇને સુકા કરવા.
-તેમાંથી અડધા પાનને ગરમ તવા પર સુકવો અને તેનો પાવડર બનાવી રહેવા દો.
- બાકીના ફુદીનાને બારીક સમારો.
- ઘઉંના લોટમાં, મીઠું, ફુદીનો અને જરૂર પ્રમાણે પાણી નાંખીને લોટ બાંધો. ૨૦ થી ૨૫ મિનિટ રહેવા દો.
- આ લોટમાંથી છ સરખા લુઆ બનાવો અને તેની મઘ્યમ કદની રોટલી વણો.
- પછી તેને વચ્ચેથી વાળી ફરી તેનો લૂઓ બનાવો. અને ૫ મિનિટ માટે રહેવા દો.
- તે લૂઆમાંથી પરોઠા વણીને તવા પર તેલ મૂકી બંને બાજુ શેકો.
- ચાટ મસાલામાં ફુદીનાનો પાવડર મિક્સ કરી પરોઠા પર ભભરાવો.
- પીરસતાં પહેલાં પરોઠાને હાથથી સહેજ મસળો. જેથી તેના પડ ખુલ્લા થઇ જાય.

પ્રોટીન પરોઠા રોલ્સ

પ્રોટીન પરોઠા રોલ્સ

સામગ્રીઃ

પરોઠા માટે

-૩૫૦ થી ૪૦૦ ગ્રામ ઘઉંનો લોટ
-૫૦ ગ્રામ મેંદો
-૨ ચમચા તેલ મોણ માટે
-મીઠું સ્વાદ મુજબ
-૧ ચમચી જીરું
-પરોઠા શેકવા માટે તેલ

પૂરણ માટેઃ

-૧ કપ ફણગાવેલા મગ
-૧ કપ બાફેલા બટેટાના ટુકડા
-૧ કપ બાફેલા ગાજરના ટુકડા
-૧ કપ બાફેલા લીલા વટાણા
-૧/૨ કપ કાંદા બારીક સમારેલા
-૧/૨ કપ ટામેટા બારીક સમારેલા
-૧/૨ કપ કોથમીર બારીક સમારેલી
-૧ ચમચી ગરમ મસાલો
-૨ ચમચી આદુ-મરચાની પેસ્ટ
-૧ ચમચી લસણની પેસ્ટ
-૧ લીંબુનો રસ
-૧ ચમચી સાકર
-૧/૨ ચમચો તેલ
-મીઠું સ્વાદાનુસાર

અન્ય સામગ્રીઃ

-ફુદીનાની ચટણી
-ટોમેટો સૉસ
-ટુથપીક

રીતઃ

- ઘઉેં તથા મેંદાનો લોટ લઇ તેમાં જીરું, મોણ, મીઠું નાંખીને જરૂર પ્રમાણે પાણી ઉમેરીને લોટ બાંધો. ઢાંકીને રહેવા દો.
- પૂરણ માટે ફણગાવેલા મગ થોડા કડક રહે તે રીતે બાફી લો.
- એક વાસણમાં તેલ ગરમ કરી તેમાં કાંદા ગુલાબી રંગના થાય ત્યાં સુધી સાંતળો પછી. આદુ-મરચાં-લસણની પેસ્ટ અને ટામેટા નાંખો.
- તેમાં બાફેલા મગ, બટેટા, ગાજર, વટાણા, મીઠું, ગરમ મસાલો, લીંબુનો રસ અને સાકર નાંખીને સરખી રીતે મિક્સ કરો. ઉપરથી કોથમીર નાંખીને ગેસ પર થી નીચે ઉતારીને ઠંડુ થવા દો.
- પરોઠાના લોટમાંથી લુઆ કરી પરોઠા વણો.
- નોન સ્ટિક તવા પર પરોઠાને તેલ મૂકીને ગુલાબી રંગના શેકો.
- એક ડીશમાં પરોઠું મૂકી તેમાં વચ્ચે પૂરણ મૂકો. અને બંને બાજુથી રોલ વાળો. અને ઉપર ટુથપીક ભરાવો.
- આ રીતે બધા જ પરોઠાના રોલ્સ તૈયાર કરો. ફુદીનાની ચટણી તથા ટોમેટો સૉસ સાથે પીરસો.

ટીપ્સઃ

આ જ રીતે રાજમા, ફણગાવેલા મગ, મઠ, કે ચણાનું પૂરણ પણ બનાવી શકાય છે.
ચાઇનીઝ નુડલ્સ વેજીટેબલ સાથે બનાવી તેનું પૂરણ પણ કરી શકાય છે.

ટામેટા મેથીના પરોઠા

ટામેટા મેથીના પરોઠા

સામગ્રીઃ

-૨ વાટકી ઘઉંનો લોટ
-૧/૨ વાટકી ચોખાનો લોટ
-મોણ માટે થોડું તેલ
-૨ ચમચા ટામેટાની પ્યુરે
-૧ વાટકી મેથીની ભાજીના પાન સમારેલા
-૧/૨ વાટકી કોથમીર સમારેલા
-૬ નંગ લસણ વાટેલું
-૨ ચમચી તલ
-૧/૨ ચમચી જીરું
-૧ ચમચી લાલ મરચાની ભૂકી
-૨ ચમચી દળેલી ખાંડ
-મીઠું સ્વાદાનુસાર

રીતઃ

- ટામેટાની પ્યુરે, મેથી, કોથમીર, મરચું, મીઠું, ખાંડ અને લસણને સરખી રીતે મિક્સ કરો.
- તેમાં ઘઉંનો લોટ અને મોણનું તેલ નાંખીને રોટલી કરતાં સહેજ કઠણ લોટ બાંધો.
- આ લોટમાંથી નાનો લુઓ લઇને ચોખાના લોટમાં રગદોળી પુરી જેવડો વણી ઉપર તેલ લગાડો અને અર્ધચંદ્રાકાર વાળો. ઉપરની બાજુ સહેજ તેલ લગાવો અને ત્રિકોણાકાર બનાવી ફરીથી વણી લો.
- તવાને ગરમ કરો. અને પરોઠાને બંને બાજુ તેલ લગાવીને શેકી લો.
- બાકીના લોટમાંથી આ રીતે પરોઠા બનાવો.

દહીં સાથે પીરસો.

પાણીપુરી

પાણીપુરી

તૈયારીનો સમયઃ ૨૫ મિનિટ
બનાવવાનો સમયઃ ૨૫ મિનિટ
માત્રાઃ ૪ વ્યક્તિ માટે

સામગ્રીઃ

-૧/૨ કપ રવો (ઝીણો)
-૧/૨ ચમચો મેંદો
-૨ થી ૩ ચમચા સોડા (પીવાની)
-મીઠું સ્વાદાનુસાર
-તળવા માટે તેલ

પાણી માટે

-૧ ૧/૨ કપ ફુદીના પાન
-૧ ચમચો કોથમીર
-૧/૩ કપ આમલી
-૧ આદુનો ટુકડો
-૪ થી ૫ લીલા મરચા
-૧ ચમચી શેકેલાં જીરાનો પાવડર
-૧ ૧/૨ ચમચી સંચળ
-મીઠું સ્વાદાનુસાર

અન્ય સામગ્રીઃ

-૧ કપ ખજૂર આમલીની ચટણી
-૧/૨ કપ ફણગાવેલા કઠોળ બાફેલા
-૧/૨ કપ બુંદી પલાળીને સુકી કરેલી

રીતઃ

પુરી માટેઃ

- રવો, મેંદો, મીઠું અને સોડાને મિક્સ કરીને સરખી રીતે લોટ બાંધો. લોટ પર ભીનું મસ્લીનનું કપડું ઢાંકીને ૧૦ થી ૧૫ મિનિટ રહેવા દો.
- લોટમાંથી ૪૦ સરખા ભાગ કરીને નાની-નાની પુરી વણો.
- ભીના કપડામાં આ વણેલી પુરીને પ મિનિટ ઢાંકી રાખો.
- કઢાઇમાં તળવા માટે તેલ ગરમ મૂકો. અને પૂરી તળો.
- હવાબંધ ડબામાં પૂરીને ભરી રાખો.

પાણી માટેઃ

- આમલીને ૧/૨ કપ પાણીમાં ૧ કલાક પલાળી રાખો. પછી પાણી કાઢી નાંખો.
- પલાળેલી આમલીને સંચળ સિવાયની બધી જ સામગ્રી સાથે મિક્સ કરીને મિક્સરમાં તેની પેસ્ટ બનાવો. જરૂર પડે તો થોડું પાણી નાંખો.
- આ પેસ્ટને મોટા વાસણમાં કાઢીને તેમાં ૧ લીટર પાણી, સંચળ અને મીઠું નાંખીને સરખી રીતે મિક્સ કરો.

પાણીને ૨ થી ૩ કલાક ઠંડુ કરવા મૂકો એટલે તેમાં મસાલાનો સ્વાદ આવી જાય.

આગળની રીતઃ

- પુરીમાં વચ્ચે કાણું પાડો.
- તેમાં બાફેલા કઠોળ અથવા બુંદી ભરો. તેના ઉપર ખજૂર-આમલીની ચટણી નાંખીને ઠંડા પાણીમાં પુરી બોળીને તરત જ ખાઇ જવી.