તુરિયા અને નાળિયેર

તુરિયા અને નાળિયેર


તૈયારીનો સમય- ૧૦ મિનિટ
બનાવવાનો સમય- ૯ મિનિટ
માત્રા- ૨ વ્યક્તિ માટે

સામગ્રીઃ

-૨ કપ તુરિયા પાતળા ગોળ સમારેલા
-૧/૨ કપ લીલાં નારિયેળનું ખમણ
-૧/૨ ચમચી રાઇ
-૪ થી ૫ લીમડાના પાન
-૧ ચમચી આદુ ખમણેલું
-૧ લીલું મરચું વાટેલું
-૧/૮ ચમચી હળદર
-૧ ચમચી સાકર
-૧/૨ લીબુંનો રસ
-૧ ચમચો તેલ
-મીઠું સ્વાદાનુસાર

ઉપરથી સજાવવા માટે

-૨ ચમચા કોથમીર બારીક સમારેલી

રીતઃ

- એક કાચના બાઉલમાં તેલ, રાઇ, લીમડાના પાન, આદું અને લીલું મરચું નાંખીને માઇક્રોવેવ હાઇ પર ૧ મિનિટ રાખો.
- તેમાં તુરિયા, હળદર અને મીઠું નાંખીને સરખી રીતે મિક્સ કરો. ઉપરથી ઢાંકણ ઢાંકો અને માઇક્રોવેવ હાઇ પર ૬ મિનિટ રાખો.
- તેમાં નાળિયેરનું ખમણ, સાકર અને લીંબુનો રસ નાંખીને ઢાંકણ ઢાંકીને માઇક્રોવેવ ઓવનમાં હાઇ પર ૨ મિનિટ રાખો.

ઉપરથી કોથમીર ભભરાવીને ગરમગરમ પીરસો.