મકાઇનાં ઢોકળાં

મકાઇનાં ઢોકળાં

તૈયારીનો સમયઃ ૩૦ મિનિટ
બનાવવાનો સમયઃ ૨૫ મિનિટ
માત્રાઃ ૪ વ્યક્તિ માટે

સામગ્રીઃ

-૧ કપ મકાઇનો લોટ
-૧/૨ કપ ખાટું દહી
-૧/૨ કપ કુમળી પીળી મકાઇના દાણા
-૨ ચમચી આદું-લીલા મરચાની પેસ્ટ
-૧/૪ ચમચી હંિગ
-૨ ચમચી સાકર
-૧ ચમચી લીંબુનો રસ
-૧ ચમચી ઇનો ફ્રૂટ સોલ્ટ
-૨ ચમચી તેલ
-મીઠું સ્વાદાનુસાર

વઘાર માટે

-૧ ચમચી રાઇ
-૧ ચમચી તલ
-૧ ચપટી હંિગ
-૧ ચમચો તેલ

બીજી સામગ્રીઃ

-તેલ-થાળીને ચીકણી કરવા.

સજાવટ માટે

-૧ ચમચો બારીક કાપેલી કોથમીર

રીતઃ

- એક બાઉલમાં મકાઇનો લોટ અને ખાટા દહીંને ૧/૨ કપ સહેજ ગરમ કરેલા પાણી સાથે મિક્સ કરવા. બરાબર મિક્સ કરી સુંવાળું ખીરું બનાવવું. ઓછામાં ઓછી ૩૦ મિનિટ સુધી બાજુમાં મૂકી દેવું.
- પછી પીળી મકાઇના દાણા, આદુ-મરચાંની પેસ્ટ, હંિગ, સાકર, લીંબુનો રસ, તેલ અને મીઠાને ખીરામાં નાંખીને બરાબર મિક્સ કરવું.
- ફ્રૂટ સૉલ્ટ નાંખવું, ધીમેથી મિક્સ કરવું અને એક થાળીમાં તેલ લગાડીને ખીરું રેડવું. ૧૫ થી ૨૦ મિનિટ સુધી વરાળમાં બાફી લેવુ.
- વઘાર તૈયાર કરવા માટે તેલને ગરમ કરવું અને તેમાં રાઇ, તલ અને હંિગ નાંખવા. વઘાર તડતડ થઇ જતાં તૈયાર કરેલા ઢોકળાંની ઉપર નાંખવો.
- બારીક કાપેલી કોથમીરથી સજાવવા. ટુકડા કાપવા અને ગરમ ગરમ પીરસવાં.

-ઢોકળાંને વરાળમાં બાફવા માટે મૂકો ત્યારે જ ઇનોઝ ફ્રૂટ સૉલ્ટ નાંખવું.