કોબી ભરેલા કેપ્સિકમ

કોબી ભરેલા કેપ્સિકમ


તૈયારીનો સમય ઃ ૧૦ મિનિટ
બનાવવાનો સમય ઃ ૬ મિનિટ
માત્રા ઃ ૨ વ્યક્તિ માટે

સામગ્રી ઃ

-૨ મઘ્યમ કદના કેપ્સિકમ (ભોલર મરચાં) ચીકાશ માટે તેલ

પૂરણ માટે

-૧/૨ કપ કોબી ખમણેલી
-૧/૨ કપ ચણાનો લોટ
-૨ ચમચી સાકર
-૧/૨ ચમચી લીંબુના ફૂલ
-૧ ચમચી આદું -મરચાંની પેસ્ટ
-૨ ચમચા કોથમીર બારીક સમારેલી
-૩/૪ ચમચી ઇનો ફ્રૂટ સોલ્ટ
-મીઠું સ્વાદાનુસાર

વઘાર માટે

-૧/૨ ચમચી રાઇ
-૧ ચમચી તલ
-૧/૪ ચમચી હીંગ
-૨ ચમચા તેલ

રીત ઃ
- ભોલર મરચાંના વચ્ચેથી બે ભાગ કરીને સાચવીને બી કાઢવા જેથી તેનો આકાર જળવાઇ રહે.
- એક વાસણમાં ફ્રૂટસોલ્ટ સિવાયની પૂરણની બધી સામગ્રી અને ૪ ચમચા પાણી નાંખીને સરખી રીતે મિક્સ કરો.
- ૧ ચમચા પાણી સાથે ફ્રૂટસોલ્ટ નાંખીને સરખી રીતે મિક્સ કરો. અને પૂરણમાં નાંખો.
- મરચામાં આ પૂરણ ભરવું.
- તેલ લગાડેલા કાચના બાઉલમાં આ કેપ્સિકમ મૂકો. ઉપર ઢાંકણ ઢાંકો અને માઇક્રોવેવમાં હાઇ પર ૩ મિનિટ થવા દેવા.
- મરચાંને ઠંડા થવા દેવા. અને પછી તેને કાપવા.

આગળની રીત ઃ

- એક વાસણમાં તેલ ગરમ કરો. તેમાં રાઇ અને તલ નાંખો તતડી જાય એટલે હીંગ નાંખો.
- તેમાં મરચાંના ટુકડા નાંખીને ૧થી ૨ મિનિટ રહેવા દો.

ગરમ ગરમ પીરસો