ખમણ ઢોકળાં

ખમણ ઢોકળાં


તૈયારીનો સમય ઃ ૧૦ મિનિટ
બનાવવાનો સમય ઃ ૬ મિનિટ
માત્રા ઃ ૪ વ્યક્તિ માટે

સામગ્રી ઃ

-૧ કપ ચણાનો લોટ
-૧ ૧/૨ ચમચો રવો
-૧/૨ ચમચી લીંબુના ફૂલ
-૩ ચમચી સાકર
-૧ ચમચી આદું-મરચાંની પેસ્ટ
-૧ ૧/૨ ચમચી ઇનોફ્રૂટ સોલ્ટ
-મીઠું સ્વાદાનુસાર

વઘાર માટે

-૧/૨ ચમચી રાઇ
-૧/૨ ચમચી તલ
-૨ લીલા મરચાના ટુકડા
-૧ ચપટી હીંગ
-૨ ચમચા તેલ

ઉપરથી સજાવવા માટે

-૧ ચમચો કોથમીર સમારેલી
-૧ ચમચી લાલ મરચાંની ભૂકી

રીત ઃ
- ફ્રૂટ સોલ્ટ સિવાયની બધી જ સામગ્રી મિક્સ કરીને ૧ કપ પાણી નાંખીને ખીરું તૈયાર કરો.
- ફ્રૂટ સોલ્ટ નાંખીને તેના ઉપર થોડું પાણી નાંખો અને સરખી રીતે મિક્સ કરો.
- માઇક્રોવેવ વાસણમાં તેલ લગાડી આ ખીરું નાંખો ઉપર પ્લાસ્ટિક વડે ઢાંકો.
- માઇક્રોવેવમાં હાઇ પર ૨ મિનિટ રાખો અને બંધ કરીને ૧ મિનિટ રાખો.

આગળની રીત ઃ

- વઘાર માટે નાના વાસણમાં તેલ લેવું, તેમાં રાઇ અને તલ નાંખી તે તતડે એટલે લીલા મરચાં અને હીંગ નાંખીને ગેસ પરથી ઉતારી લેવું. આ વઘારમાં ૧ ચમચો પાણી નાંખીને તેને ઢોકળાં પર રેડો.
- ઢોકળાની ઉપર કોથમીર અને લાલ મરચાંની ભૂકી ભભરાવી કાપો.

લીલી ચટણી સાથે ગરમ-ગરમ પીરસો.