કાંચીપૂરમ્‌ ઇડલી

કાંચીપૂરમ્‌ ઇડલી

તૈયારીનો સમયઃ ૧૦ મિનિટ
બનાવવાનો સમયઃ ૨૦ મિનિટ
પલાળવા માટેનો સમયઃ ૪ કલાક
આથો આવવા માટેનો સમયઃ ૬ થી ૮ કલાક
માત્રાઃ ૧૫ ઇડલી બનશે

સામગ્રીઃ ૧ કપ અડદની દાળ

-૧ કપ ચોખા
-૧ ચમચો ચણાની દાળ
-૩/૪ કપ ખાટું દહીં
-૮ નંગ કાજુ
-૪ લીલા મરચાં, બારીક કાપેલા
-૧/૨ લીલું નાળિયેર ખમણેલું
-૧ ચમચી આદું વાટેલું
-૧/૨ ચમચી મરીનો ભૂકો
-૩ થી ૪ લીમડાના પાન
-૨ ચમચા ઘી
-મીઠું સ્વાદાનુસાર
-તેલ-ઇડલીના મોલ્ડને ચીકણા કરવા

રીતઃ

- અડદની દાળ અને ચોખાને ધોઇને મિક્સ કરવા અને પાણીમાં ઓછામાં ઓછા ૪ કલાક સુધી પલાળી રાખવા.
- ચણાની દાળને જુદી પલાળવી.
- અડદની દાળ અને ચોખાને જરૂરી પાણી લઇને અધકચરા વાટીને ખીરું તૈયાર કરો.
- આ ખીરાને આથો આવવા માટે સહેજ ગરમ જગ્યામાં ઓછામાં ઓછું ૬ થી ૮ કલાક સુધી મૂકવું.
- દહીં, કાજુ, લીલા મરચાં, નાળિયેર, આદું, મરીનો ભૂકો, લીમડાના પાન, ઘી, મીઠું અને પલાળેલી ચણાની દાળ ખીરામાં નાંખીને બરાબર મિક્સ કરો.
- ઇડલીના મોલ્ડને તેલ લગાડી ખીરું ભરો અને ૧૦ થી ૧૨ મિનિટ સુધી વરાળમાં બાફો.
- બચેલા ખીરામાંથી આ જ પ્રમાણે ઇડલી બનાવવી.

ચટણી સાથે ગરમ-ગરમ પીરસવી.