વેજિટેબલ ઇડલી

વેજિટેબલ ઇડલી

તૈયારીનો સમયઃ ૨૦ મિનિટ
બનાવવાનો સમયઃ ૨૦ મિનિટ
પલાળવા માટેનો સમયઃ ૨ કલાક
આથો આવવા માટેનો સમયઃ ૩ થી ૪ કલાક
માત્રાઃ ૧૫ થી ૨૦ ઇડલી બનશે

સામગ્રીઃ

-૧ નાળિયેર ખમણેલું
-૧/૪ કપ અડદની દાળ
-૨ કપ ઇડલીના ઉકડા ચોખા
-૧ કાંદો, ખૂબ બારીક કાપેલો
-૧ ગાજર ખમણેલું
-૧/૨ કપ કોબી, ખમણેલી
-૧ ચમચી જીરું
-૪ લીલા મરચાં, બારીક કાપેલાં
-૨ ચમચા નાળિયેર ખમણેલું
-મીઠું સ્વાદાનુસાર
-તેલ-ઇડલીના મોલ્ડને ચીકણા કરવા માટે

રીતઃ

- ખમણેલા નાળિયેરમાં ૨ કપ ગરમ પાણી નાંખી બ્લેન્ડર ચલાવી એકરસ કરવું. પછી ગાળીને દૂધ કાઢી લેવું. એકબાજુ મૂકવું.
- અડદની દાળ અને ઉકડા ચોખાને ધોવા. પછી બન્ને મિક્સ કરી ઓછામાં ઓછા ૨ કલાક પલળવા દેવા.
- દાળ અને ચોખામાં નાળિયેરનું દૂધ નાંખી મિક્સરમાં વાટો તથા ખીરું તૈયાર કરો.
- કાંદા, ગાજર, કોબી, જીરું, લીલા, મરચાં, નાળિયેર અને મીઠું નાંખવું તથા બરાબર મિક્સ કરવું. ઢાંકીને ૩ થી ૪ કલાક આથો આવવા માટે એકબાજુ મૂકી દેવું.
- ઇડલીના ચીકણા કરેલા મોલ્ડમાં ખીરાને ભરવું અને ૧૦ થી ૧૨ મિનિટ સુધી વરાળમાં બાફવી. ગરમ ગરમ પીરસવી.