બેબીકોર્ન હરા મસાલા

બેબીકોર્ન હરા મસાલા


તૈયારીનો સમય ઃ ૧૦ મિનિટ
બનાવવાનો સમય ઃ ૬ મિનિટ
માત્રા ઃ ૨ વ્યક્તિ માટે

સામગ્રી ઃ

-૧ કપ બેબીકોર્ન - ૧ના ૪ ભાગ કરવા
-૧ ચમચી લીંબુનો રસ
-૧ ચમચી સાકર
-૨ ચમચા તેલ
-મીઠું સ્વાદાનુસાર

વાટીને પેસ્ટ કરો

-૧ કપ બારીક કાપેલી કોથમીર
-૧ નાનો ટુકડો આદુ
-૨ કળી લસણ
-૧ લીલું મરચું
-૧ કાંદો બારીક સમારેલો
-૧ ચમચી જીરું

ઉપરથી સજાવવા માટે

-૧ ચમચો ટામેટાની સ્લાઇસ
-૪ લીંબુની ચીરીઓ.

રીત ઃ

- એક કાચના બાઉલમાં તેલ નાંખીને તૈયારી કરેલી પેસ્ટ નાંખો. માઇક્રોવેવમાં હાઇ પર ૧ મિનિટ રહેવા દો.
- તેમાં બેબીકોર્ન, મીઠું અને ૨ ચમચા પાણી નાંખીને સરખી રીતે મિક્સ કરો. ઉપરથી ઢાંકીને માઇક્રોવેવમાં હાઇ પર મૂકો. અને ૬ મિનિટ રહેવા દો.
- બહાર કાઢીને તેમાં લીંબુનો રસ અને સાકર મિક્સ કરો.

ઉપર ટામેટાની સ્લાઇસ અને લીંબુની ચીરીઓથી સમજાવીને પીરસો.