સમોસા કઢી ચાટ

સમોસા કઢી ચાટ

તૈયારીનો સમયઃ ૪૦ મિનિટ
બનાવવાનો સમયઃ ૩૦ મિનિટ
માત્રાઃ ૬ વ્યક્તિ માટે

સામગ્રીઃ

સમોસાના પડ માટે

-૧/૨ કપ મેંદો
-૨ ચમચી ઘી પીગાળેલું
-મીઠું સ્વાદાનુસાર

સમોસાના પૂરણ માટે

-૧ કપ બાફેલા બટેટાના ટુકડા
-૧/૨ કપ લીલા વટાણા બાફેલા
-૨ ચમચા કેપ્સીકમ બારીક સમારેલા
-૧ ચમચી જીરું
-૧/૪ ચમચી હંિગ
-૨ ચમચી આદુ-મરચાંની પેસ્ટ
-૨ ચમચી આમચૂર પાઉડર
-૧ ચમચી ધાણા જીરાનો પાઉડર
-૧/૨ ચમચી ગરમ મસાલો
-૨ ચમચા તેલ
-મીઠું સ્વાદાનુસાર

અન્ય સામગ્રીઃ

-તળવા માટે તેલ
-નાળિયેરની કઢી માટે
-૧ ૧/૨ કપ નાળિયેરનું દૂધ
-૨ ચમચા ચણાનો લોટ
-૩/૪ કપ તાજું દહીં
-૨ નંગ એલચી
-૨ નંગ લવંિગ
-૧ નંગ તમાલપત્ર
-૬ નંગ લીમડાના પાન
-૧ ચમચી આદું વાટેલું
-૧ ૧/૨ ચમચી લાલ મરચું સુધારેલું
-૧ ચમચી તેલ
-૧ ટુકડો તજ
-મીઠું સ્વાદાનુસાર

ઉપરથી સજાવવા માટે

-૧/૨ કપ ખજૂર આમલીની ચટણી
-૧/૨ કપ લીલી ચટણી
-૨ ચમચા કોથમીર સમારેલી
-૨ ચમચા લીલા કાંદા બારીક સમારેલા
-૨ થી ૩ ટામેટાની સ્લાઇસ (ઇચ્છાનુસાર)

રીતઃ

સમોસાના પડની

- તમામ સામગ્રીમાં થોડું પાણી ઉમેરી લોટ બાંધો.
- લોટના ૬ સરખા ભાગ કરી. પ્રત્યેક ભાગને લંબગોળ વણો.

સમોસાના પૂરણની

- એક વાસણમાં તેલ ગરમ કરો. તેમાં જીરું નાંખો. જીરું તતડી જાય એટલે હીંગ અને આદુ-મરચાંની પેસ્ટ નાંખો અને ૧ મિનિટ સાંતળો.
- તેમાં બટેટા, લીલા વટાણા, કેપ્સિકમ, આમચૂર, ધાણાજીરું, ગરમ મસાલો અને મીઠું નાંખો.
- બઘું સરખી રીતે મિક્સ કરી છુંદો કરો.
- ગેસ પરથી ઉતારી પૂરણને ઠંડુ કરો અને તેના ૧૨ ભાગ કરો.

સમોસાની

- લોટમાંથી વણેલા લંબગોળની વચ્ચે કાપો કરી બે ભાગ કરો.
- એક ભાગને હાથમાં લઇને તેને કોન જેવો આકાર આપો અને અંદર પૂરણ ભરો.
- થોડું પાણી લઇ કિનારને કાળજીપૂર્વક બંધ કરો. બાકીના લંબગોળમાંથી પણ આ જ રીતે ૧૧ સમોસા બનાવો.
- તળવાના તેલને ગરમ કરો અને તેમાં સમોસા તળો. એકબાજુ મૂકો.

નાળિયેરની કઢીની

- દહીંમાં ચણાનો લોટ ઉમેરી સરખી રીતે મિક્સ કરો.
- એક વાસણમાં તેલ ગરમ મૂકો અને તેમાં એલચી, લવંિગ, તજ, તમાલપત્ર અને લીમડાના પાન ઉમેરો.
- લીમડાના પાન તતડે એટલે તેમાં આદુ અને મરચાં નાંખો તથા થોડીવાર સાંતળો.
- તેમાં નાળિયેરનું દૂધ અને ૧ કપ પાણી નાંખી એક ઊભરો આવે ત્યાં સુધી ઉકાળો. આ દરમિયાન તેને સતત હલાવતાં રહો.
- તેમાં દહીં-ચણાના લોટનું મિશ્રણ અને મીઠું નાંખી સરખી રીતે મિક્સ કરો. ધીમા તાપે કઢી હલાવતાં રહો. ઉકળે એટલે એકબાજુ મૂકો.

આગળની રીતઃ

- એક પીરસવાના બાઉલમાં ગરમાગરમ સમોસું મૂકો. અને તેની ઉપર એક ચમચો ભરીને કઢી નાંખો.
- તેની ઉપર ખજૂર આમલીની તથા લીલી ચટણી પાથરો.
- ઉપરથી કોથમીર, લીલા કાંદા અને ટમેટા ભભરાવીને પીરસો.