કાર્ડમમ ઓરેન્જ ચીઝકેક

કાર્ડમમ ઓરેન્જ ચીઝકેક

તૈયારીનો સમય ઃ ૧૦ મિનિટ
માત્રા ઃ ૧ ચીઝકેક બનશે.

સામગ્રી ઃ

-૧ (૧૫૦ મિ.મી. (૬’’) વ્યાસની) સફેદ સ્પંજ કેક મિક્સ કરી પલાળવાનું સિરપ બનાવવા માટે
-૩ ચમચા પાણી
-૧ ચમચો ઓરેન્જ સ્કવૉશ
-૧ ચમચી બ્રાંડી/રમ (ઈચ્છાનુસાર)

ચીઝકેક માટે

-૧ કપ (૨૦૦ ગ્રામ) તાજું ક્રીમ
-૩/૪ કપ ઈલાયચી શ્રીખંડ
-૧/૪ કપ સંતરાના ફોલેલા ટુકડા
-૨ ચમચી ઓરેન્જ સ્કવૉશ

સજાવવા માટે

-૧ કપ વ્હીપ્ડ ક્રીમ
-૧/૨ કપ સંતરાના ફોલેલા ટુકડા

રીત ઃ

- સ્પંજકેકના ૨ સરખા આડા અડધા ટુકડા કરવા. આપણને સ્પંજના એક આડા ટુકડાની જરૂર પડશે.
- ૧૫૦ મિ.મી. (૬’’) વ્યાસના ઢીલા તળિયાવાળા કેક ટિનમાં સ્પંજને મુકવી.
- સિરપથી સ્પંજને પલાળવી અને એકબાજુ મૂકી રાખવી.

ચીઝકેક માટે

- ક્રીમને ફીણવું અને એકબાજુ મૂકી રાખવું.
- શ્રીખંડ અને ઓરેન્જ સ્કવૉસને મિક્સ કરવા.
- ક્રીમને શ્રીખંડના મિશ્રણમાં હલકે હાથે મિક્સ કરવું.

આગળની રીત

- સ્પંજકેક પર ચીઝકેકનું મિશ્રણ નાંખવું અને સખત થાય ત્યાં સુધી ફ્રીજમાં રાખવી.
- વ્હીપ્ટ ક્રીમ અને સંતરાના ફોલેલા ટુકડાથી સજાવી ખૂબ ઠંડી પીરસવી.