પૌષ્ટિક થાલીપીઠ

પૌષ્ટિક થાલીપીઠ

તૈયારીનો સમયઃ ૪ મિનિટ
બનાવવાનો સમયઃ ૧૦ મિનિટ
માત્રાઃ ૬ વ્યક્તિ માટે

સામગ્રીઃ

-૩ ચમચા બાજરાનો લોટ
-૩ ચમચા જુવારનો લોટ
-૩ ચમચા ઘઉંનો લોટ
-૩ ચમચા મેંદો
-૩/૪ કપ કોબી ખમણેલી
-૧/૪ કપ કાંદા બારીક સમારેલા
-૧/૨ ચમચી લીલા મરચા બારીક સમારેલા
-૧/૨ ચમચી ધાણા-જીરાનો પાઉડર
-૨ ચમચા કોથમીર
-મીઠું સ્વાદાનુસાર
-૧ ચમચી તેલ

રીત

- એક બાઉલમાં તેલ સિવાયની બધી સામગ્રી ભેગી કરી જરૂર પૂરતું પાણી મેળવી નરમ લોટ બાંધો. આ લોટના ૬ સરખા ભાગ કરી એકબાજુ મૂકો.
- એક નોન-સ્ટિક પેનને ગરમ કરી તેમાં સહેજ તેલ લગાડો.
- તેમાં લોટનો એક ભાગ રોટલાની જેમ હાથેથી થેપો અને ગોળાકાર બનાવો. આ ગોળાકારની વચ્ચે બે-ત્રણ કાણાં પાડો અને થોેડું તેલ મૂકીને થાળી ઊંધી ઢાંકી દો.
- ૨ મિનિટ પછી થાળી લઈને જોવું. નીચેનો ભાગ ગોલ્ડન બ્રાઉન રંગનો થયો હોય તો બીજી બાજુ ફેરવી તેને પણ ગોલ્ડન બ્રાઉન રંગની કરવી. પછી પેનમાંથી ઉતારી લેવી.
- આ પ્રમાણે બાકીની ૫ થાલી પીઠ બનાવવી. મનગમતી ચટણી સાથે ગરમગરમ થાલીપીઠ પીરસવી.