ભીંડી દો પ્યાઝા

ભીંડી દો પ્યાઝા

તૈયારીનો સમયઃ ૧૦ મિનિટ
બનાવવાનો સમયઃ ૧૫ મિનિટ
માત્રાઃ ૪ વ્યક્તિ માટે

સામગ્રીઃ

-૩ કપ ભીંડા ઊભા સમારેલા
-૧ ૧/૨ કપ કાંદા બારીક સમારેલા
-૩ ચમચી જીરું
-૧ ચમચી ક્લોન્જી
-૧/૪ ચમચી હળદર
-૩ ચમચી હળદર
-૩ ચમચી આદુંની પેસ્ટ
-૧ થી ૨ લીલા મરચાં બારીક સમારેલા
-૩/૪ કપ ઘટ્ટ દહીં વલોવેલું
-૩ ચમચા તેલ

મીઠું સ્વાદાનુસાર

રીતઃ

- એક વાસણમાં તેલને ગરમ કરો. જીરું અને કોલોન્જી ઉમેરી તડતડ થવા દો.
- તેમાં કાંદા, હળદર, આદુંની પેસ્ટ અને લીલા મરચાંને ઉમેરો અને સાંતળો.
- તેમાં ભીંડા અને મીઠું ઉમેરી ધીમા તાપે ભીંડા નરમ થાય ત્યાં સુધી થવા દો.
- પછી તેમાં દહીં ઉમેરો અને દહીં સુકાઇ જાય ત્યાં સુધી રાંધો.

પરોઠા કે રોટી સાથે ગરમ-ગરમ પીરસો.

* ભીંડા ચીકણા હોય છે. એટલે રાંધતી વખતે વાસણને ઢાંકશો નહિ. વરાળની હાજરી વગર ચીકાશ દૂર થઇ ભીંડા સુકા બનશે. બને તો ધીમા તાપે રાંધવા.