હરિયાલી ચાવલ

હરિયાલી ચાવલ

તૈયારીનો સમયઃ ૧૦ મિનિટ
બનાવવાનો સમયઃ ૧૦ મિનિટ
માત્રાઃ ૪ વ્યક્તિ માટે

સામગ્રીઃ

-૧ ૧/૨ કપ બાસમતી ચોખા
-૧ ૧/૨ ચમચો બારીક કાપેલી કોથમીર
-૪ દાણા મરી
-૧ ટુકડો તજ
-૪ લવંિગ
-૪ લીલી એલચી
-૨ કાંદા સ્લાઇસ કરેલા
-૨ ચમચા તેલ
-મીઠું સ્વાદાનુસાર

સજાવવા માટે

-૧/૪ કપ કાંદાની સ્લાઇસ તળીને બ્રાઉન રંગની કરેલી.

રીતઃ

- ચોખાને ધોઇને ૧૦ મિનિટ સુધી પાણીમાં પલળવા દેવા. નિતારીને બાજુમાં મૂકી દેવા.
- તેલને પ્રેશર કુકરમાં ગરમ કરવું. તેમાં મરી, તજ, લવંિગ, લીલી એલચી અને કાંદા નાંખીને સાંતળવું.
- ચોખા નાંખવા અને થોડી મિનિટ સાંતળવું.
- ૩ કપ ગરમ પાણી અને મીઠું નાંખવાં અને ચોખા ચડી ન જાય ત્યાં સુધી પ્રેશર કુકરમાં પકાવવું.
- ગેસ પરથી ઉતારી લેવા અને બારીક કાપેલી કોથમીર નાંખવી. કાંટાથી બરાબર હલાવી મિક્સ કરવી. જેથી ભાતના દાણા તૂટી ન જાય.
- કાંદાની બ્રાઉન રંગની સ્લાઇસથી સજાવી ગરમ ગરમ પીરસવા.

-કોથમીર છેલ્લે નાંખવામાં આવે છે. જેથી તેનો રંગ જળવાઇ રહે છે.
-થોડો સ્વાદ વધારવા માટે સીંગદાણાનો ભૂકો નાંખી શકાય.