ફૂલકા/ચપાટી

ફૂલકા/ચપાટી
તૈયારીનો સમય : ૧૦ મિનિટ
બનાવવાનો સમય : ૧૫ મિનિટ
માત્રા : ૬ ફૂલકા બનશે



સામગ્રી :
-   ૧ કપ ઘઊંનો લોટ,   ૧/૨ ચમચી મીઠું,   ૧ ચમચી તેલ


અન્ય સામગ્રી :
-   પીરસવા માટે ઘી



રીત :
-   લોટ, મીઠું અને તેલ મિક્સ કરી જરૂર પ્રમાણે પાણી ઉમેરી લોટ બાંધો.
-   આ લોટને સરખી રીતે કુણવી ૧૦-૧૫ મિનિટ સુધી એકબાજુ મૂકો.
-   લોટના ૬ સરખા ભાગ કરો અને તેમાંથી રોટલી વણો.
-   આ ચપાટીને ગરમ તવા ઉપર મૂકો.
-   થોડી સેકંડમાં તેને ફેરવીને ઉલ્ટી બાજુ નાંખો. બંને બાજુ નાના-નાના ડાઘ દેખાય એટલે સાણસી વડે ચપાટી ઉંચકીને ગેસની ખુલ્લી જ્વાળા પર મૂકો. આથી ચપાટી ફૂલશે. એટલે તેને ગેસ પરથી ઉતારો.
-   અન્ય પાંચ ચપાટી પણ આ જ રીતે બનાવો.
-   તેના પર ઘી ચોપડો અને ગરમ ગરમ પીરસો.