મૂંગ સૂપ વીથ પનીર

મૂંગ સૂપ વીથ પનીર
તૈયારીનો સમય : ૫ મિનિટ
બનાવવાનો સમય : ૨૫ મિનિટ
માત્રા : ૪ વ્યક્તિ માટે



સામગ્રી :
-   ૧/૨ કપ આખા મગ,   ૨ ચમચા ખમણેલું લૉ ફેટ પનીર,   ૧ ચમચી જીરું,   ૧/૨ ચમચી રાઇ,   ૧/૪ ચમચી હિંગ,   ૧/૨ ચમચી લીલા મરચાં સમારેલાં,   ૪ થી ૫ મીઠા લીમડાના પાન,   ૧ ચમચી લીંબુનો રસ,   ૨ ચમચી તેલ,   મીઠું સ્વાદાનુસાર


સજાવવા માટે :
-   ૨ ચમચા કોથમીર સમારેલી



રીત :
-   મગને ધોઇને થોડા કલાક પાણીમાં પલાળી રાખવા અને પછી પાણી કાઢી લેવું. તેમાં ૩ કપ પાણી નાંખી પ્રેશરકુકરમાં મગ બાફો.
-   એક વાસણમાં તેલ ગરમ કરી તેમાં જીરુ અને રાઇ નાંખો. રાઇ-જીરુ તતડે એટલે તેમાં હિંગ, લીલા મરચાં અને લીમડો નાંખી સાંતળો.
-   તેમાં મગ, લીંબુનો રસ, પનીર, મીઠું અને ૧ કપ પાણી નાંખી ધીમા તાપે ૪ થી ૫ મિનિટ ઉકાળો. કોથમીર વડે સજાવીને ગરમ ગરમ પીરસો.