ડાયેટર્સ પિત્ઝા

ડાયેટર્સ પિત્ઝા
તૈયારીનો સમય : ૩૦ મિનિટ
બનાવવાનો સમય : ૪૫ મિનિટ
માત્રા : ૨ પિત્ઝા બનશે
બેકિંગ સમય : ૨૦ મિનિટ
બેકિંગ ટેમ્પરેચર : ૨૦૦૦ સે. (૪૦૦૦ ફે.)



સામગ્રી :
પિત્ઝાના રોટલા માટે :
-   ૨ કપ ઘઊંનો લોટ,   ૨ ચમચી (૧૦ ગ્રામ) તાજી યીસ્ટનો ભૂકો,   એક ચપટી સાકર,   ૧ ચમચી મીઠું


ટૉમેટૉ સૉસ માટે :
-   ૪ મોટા ટામેટા,   ૧ નાનો કાંદો,   ૧ ચમચી લસણ વાટેલું,   ૧/૨ ચમચી લાલ મરચાની ભૂકી અથવા ડ્રાઇ ઑરેગાનો,   ૧ ચમચી તેલ,   મીઠું સ્વાદાનુસાર


ચીઝના ટોપિંગ માટે :
-   ૧/૨ કપ પનીર (લૉ-ફેટ મળે તો લેવું),   ૨ ચમચા દૂધ,   ૧/૨ ચમચી ફ્રેંચ સ્ટાઇલની રાઇ


અન્ય સામગ્રી :
-   ૧/૨ કપ કાંદાની સ્લાઇસ,   ૧ ટામૅટાની સ્લાઇસ,   ૧૦ થી ૧૨ તુલસીના પાન,   ૧ ચમચી તેલ ચીકાશ માટે


રીત :

પિત્ઝાના રોટલા માટે :
-   બધી જ સામગ્રીને એક વાસણમાં ભેગી કરી જરૂરી પાણી ઉમેરીને લોટ બાંધો.
-   લોટ પર ભીનું સુતરાઉ કાપડ પાથરી રાખો. લગભગ ૧૫ થી ૨૦ મિનિટમાં તે ફુલીને બમણો થઇ જશે.
-   લોટમાંથી હવા દૂર કરવા તેને કુણવો.
-   લોટના ૨ ભાગ કરી તેના જાડા રોટલા વણીને બેકિંગ ટ્રે પર ચીકાશ લગાડી રોટલો મૂકો.


ટામૅટાના સૉસ માટે :
-   ટામૅટાને ગરમ પાણીમાં થોડીવાર રાખો.
-   તેની છાલ અને બી કાઢીને તેનો પ્લ્પ તૈયાર કરો.
-   એક વાસણમાં તેલ ગરમ કરી કાંદા અને લસણ નાંખી થોડી મિનિટ સાંતળો.
-   તેમાં ટામૅટાનો પલ્પ નાંખી ૧૦ થી ૧૫ મિનિટ હલાવતાં રહો જેથી જાડો સૉસ તૈયાર થાય.
-   તેમાં મીઠું નાંખી થોડી મિનિટ હલાવો.
-   પછી મરચાંની ભૂકી નાંખીને સરખી રીતે મિક્સ કરો અને એકબાજુ મૂકો.


ચીઝના ટોપીંગ માટે :
-   પનીર, દૂધ અને રાઇમાં લિકવિડાઇઝર ફેરવી સુંવાળી પેસ્ટ બનાવો.


આગળની રીત :
-   પિત્ઝાના રોટલા પર અડધો ટામૅટો સૉસ પાથરો. તેની ઉપર ચીઝના ટોપિંગનું મિશ્રણ પાથરો.
-   તેના પર કાંદા અને ટામૅટાની સ્લાઇસ તથા તુલસીના પાન મૂકો.
-   પહેલેથી ગરમ કરી રાખેલા ઑવનમાં ૨૦૦૦ સે. (૪૦૦૦ ફે.) પર ૧૦ થી ૧૫ મિનિટ અથવા તેનો નીચેનો ભાગ બ્રાઉન થઇ જાય ત્યાં સુધી બૅક કરો.
-   બીજો પિત્ઝા પણ આ રીતે બનાવો.
-   પિત્ઝાના ૪ ભાગ કરી ગરમાગરમ પીરસો.