પાણી પૂરી

પાણી પૂરી

તૈયારીનો સમય ઃ ૨૫ મિનિટ
બનાવવાનો સમય ઃ ૨૫ મિનિટ
માત્રા ઃ ૪ વ્યક્તિ માટે

સામગ્રી ઃ

પૂરી માટેની

૧/૨ કપ રવો
૧/૨ ચમચો મેંદો
૨ થી ૩ ચમચા સોડા (બજારમાં મળતી પીવાની સોડા)
મીઠું સ્વાદાનુસાર
તળવા માટે તેલ

પાણી માટેની ઃ

૧ ૧/૨ કપ ફૂદીનાના પાન
૧ ચમચો કોથમીર બારીક સમારેલી
૧/૩ કપ આમલી
૧ ટુકડો આદુ
૪ થી ૫ લીલા મરચાં
૧ ચમચી શેકેલા જીરાનો પાવડર
૧ ૧/૨ ચમચી સંચળનો ભૂકો
મીઠું સ્વાદાનુસાર

અન્ય સામગ્રી ઃ

૨ કપ ખજૂર આમલીની ચટણી
૧/૨ કપ ફણગાવેલા કઠોળ બાફેલા
૧/૨ કપ બુંદી થોડીવાર પાણીમાં પલાળેલી

રીત ઃ

પૂરીની ઃ

(૧) રવો, મેંદો, સોડા અને મીઠું મિક્સ કરીને લોટ બાંધો અને કુણવો. પાતળું સુતરાઉ કપડું ઢાંકીને ૧૦ થી ૧૫ મિનિટ રહેવા દેવો.
(૨) આ લોટના ૪૦ એકસરખા ભાગ કરી તેમાંથી નાની નાની પૂરી વણો.
(૩) પૂરીની ઉપર ભીનું કપડું પાથરી રાખો જેથી સુકાઈ ન જાય.
(૪) કઢાઈમાં તળવા માટે તેલ ગરમ મૂકો અને પૂરી તળો.
(૫) પૂરીને હવાબંધ ડબ્બામાં ભરો.

પાણીની ઃ

(૧) આમલીને ૧/૨ કપ પાણીમાં એક કલાક પલાળી રાખો. પછી તેને પાણીમાં ચોળીને રેષાં કાઢી નાખો.
(૨) સંચળ સિવાયની તમામ સામગ્રી અને આમલીને બ્લેન્ડરમાં વાટીને એકરસ કરો. જરૂર પડે તો થોડું પાણી ઉમેરો.
(૩) આ પેસ્ટને મોટા વાસણમાં મૂકી તેમાં ૧ લીટર પાણી, સંચળ અને મીઠું નાંખીને સરખી રીતે મિક્સ કરો.
(૪) આ પાણીને ૨ થી ૩ કલાક ફ્રીઝમાં મૂકો જેથી ઠંડુ પણ થશે અને પાણીમાં મસાલાનો સ્વાદ બેસી જશે.

આગળની રીત ઃ

(૧) પૂરીને વચ્ચે નાનકડું કાણું પાડો.
(૨) તેમાં ફણગાવેલા કઠોળ કે બુંદી મૂકો. ઉપર ખજૂર આમલીની ચટણી નાંખો અને તેમાં ઠંડુ પાણી ભરીને તરત પીરસો.