ફૂલગોબી ઓર મટર કી કરી

ફૂલગોબી ઓર મટર કી કરી


તૈયારીનો સમય- ૧૫ મિનિટ
બનાવવાનો સમય- ૧૧ મિનિટ
માત્રા- ૪ વ્યક્તિ માટે

સામગ્રીઃ

-૨ કપ ફ્‌લાવર સમારેલું
-૧ કપ લીલા વટાણા
-૨ નંગ તમાલ પત્ર
-૪ ચમચા ટોમેટો પ્યુરે (ટામેટાનો રસ)
-૨ ચમચા તાજું દહીં
-૧/૨ ચમચી સાકર
-૩ ચમચા તેલ
-મીઠું સ્વાદાનુસાર

વાટીને પેસ્ટ બનાવો

-૧ કાંદો
-૨ ચમચા ખમણેલું તાજું નાળિયેર
-૨ કળી લસણ
-૨ ચમચી ઘાણા (આખા)
-૧ ચમચી જીરું
-૧ ટુકડો આદુ
-૨ ચમચી ખસખસ
-૪ લાલ મરચાં (આખા)

રીતઃ

- એક કાચના બાઉલમાં ૨ ચમચા તેલ અને ફ્‌લાવરને મિક્સ કરો. તેના ઉપર ઢાંકણ ઢાંકીને ૪ મિનિટ માઇક્રોવેવ હાઇ પર રહેવા દો. કાઢીને એકબાજુ મૂકો.
- એક નાના કાચના બાઉલમાં લીલા વટાણા અને ૨ ચમચા પાણી નાંખીને માઇક્રોવેવ હાઇ પર ૧ મિનિટ રાખો.
- બીજા એક કાચના બાઉલમાં બાકીનું ૧ ચમચો તેલ, તમાલપત્ર, અને તૈયાર કરેલી પેસ્ટ નાંખીને માઇક્રોવેવ હાઇ પર ૨ મિનિટ રાખો.
- તેમાં ટોમેટો પ્યુરો, દહીં, ફ્‌લાવર, વટાણા, સાકર ૧/૨ કપ પાણી અને સ્વાદાનુસાર મીઠું નાંખીને માઇક્રોવેવમાં હાઇ પર ૪ મિનિટ રાખો. એટલે શાક બફાઇ જશે.

ગરમાગરમ પીરસો.