ક્રિસ્પી કપ ઢોસા

ક્રિસ્પી કપ ઢોસા

તૈયારીનો સમયઃ ૧૫ મિનિટ
બનાવવાનો સમયઃ ૨૦ મિનિટ
પલાળવા માટેનો સમયઃ ૪ કલાક
આથો આવવા માટેનો સમયઃ આખી રાત
માત્રાઃ ૮ ઢોસા બનશે

સામગ્રીઃ

-૧ કપ અડદની દાળ
-૧ કપ ચણાની દાળ
-૧ કપ ચણાનો લોટ
-મીઠું સ્વાદાનુસાર
-થોડું તેલ

રીતઃ

- અડદની દાળ તથા ચણાની દાળને નવશેકા પાણીમાં ઓછામાં ઓછા ૪ કલાક સુધી પલળવા માટે મૂકી દેવી.
- ધોઇને નીતારવી અને થોડા પાણી સાથે પીસીને સુંવાળી પેસ્ટ બનાવવી.
- ઢાંકીને આથો આવવા માટે આખી રાત જુદું મૂકી દેવું.
- બીજે દિવસે ચણાનો લોટ, ૧ કપ પાણી અને મીઠું નાંખવું અને બરાબર મિક્સ કરવું.
- નોન-સ્ટિક તવાને મઘ્યમ તાપે ગરમ કરવો અને પછી થોડું તેલ લગાવી ચીકણો કરવો.
- તવા પર એક મોટો ચમચો ભરીને ઢોસાનું ખીરું પાથરવું.
- કિનારી પર થોડું તેલ નાંખવું અને ઢોસાને મઘ્યમ તાપે પકાવવો જેથી બ્રાઉન રંગનો થઇ જાય.
- બાકી બચેલા ખીરામાંથી આ રીતે જ ઢોસા બનાવવા.